[عبدالعزيز العميري]

سقط المشهد .. في الموعد الاخير ..

انتي خلـْف العمْـر..مكسوره حزينه
مامعك .. غيري ..وذنبي ..
تغسلين خـْـدودك بـْدمع الحنين
تحسبين جْراحك وْكم خيبة ٍ مرت عليك
يالوحيده
وما معك
إلا دفاتر شاعر ٍ مٌهْمِل ..تعوَّد عـ الشتات
يرمي كل اوراقه بْغرفه كئيبه
كل ماردَّ بْجراحه
يكتبك اطهر حبيبه
ويمسحك قبل الصبااااااح
ثم يندم ..
كان يدري
انك اجمل
انك اطهر
بس خانتك السنين !
انكسرتي داخل الموعد وحيده
ومن بعيد
كنت اشوفك
جالسه وْقدامك الكرسي وحيد
مشتعل فيك الحنين
كان كرسي شاعرك مثلك حزين
كنت اقول فْ كلَّ مره التقي فيها معاك
هذا مقهى الشاردين
وانتي اجمل شارده دست ملامحها ف دمي
جيت متأخر كثير
ماعرفتك
صارت احزااااانك نخيل
صرت اشوف بنظرتك حزن وْضياع
هذي إنتي ؟؟!
م
س
ت
ح
ي
ل

جيت انزف لك حزن بين الكراسي والشموع
_______ مرتبك ..ماهي خيانه ..وْتنتهي بعد الظلام
غلطتي ..إني تبعتك .. بسَّ ضيَّعت الرجوع
_______ وغلطتك.. انك تعثرتي بْعيوني في الزحااام
شوفي الليله ذنوبي سـيَّلت كل الدموع
_______جيت أسْـتغـْفـر لذنبي ..واختنق فيني الكلام