[اورنس الهذال]

عذراً .. للإنقطاع .. الغير .. مقصود ..

لكم .. ابعادها .. ولي .. ابعادها ..

لتكون .. بين ايديكم ..

عسى أن تنال الرضى ..

مدخـــل ...

عندما يكون .. الضيق .. صديقاً ..

...



[POEM="font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا الله عبدك ولد عبدك ماهو خالي=زفرات صدري عجزت أفهم معانيها

يضيق صدر القصيد اللي سكن بالي=والمشكله ماعرفت آصل تواليها

أبات وأصحى وضيق(ن) دوم متوالي=عاده وصارت تخاويني وأخاويها

النفس طابت وعيّت ترخي حبالي=والمهزله ذيك لا والله ماأعديها

أزريت أدوّر عذر من كل ماجالي=والصد واضح وروحي غصب أمنيها

حاولت أواجه ولكن ماتهيالي=تعبت أميّز وجيه الخلق وأحصيها

في ليلة السبت يوم(ن) زان فنجالي=حاولت أنا اجمع جروح النفس أداويها

مركاي جنبي وقافي جرّ موالي=وبدى يرجع أمور(ن) كنت ناسيها

وسار الكلام وبدا حاله مثل حالي=تنهادت الحدب دووم آجيب طاريها

هذي المراره وذاك السكر الحالي=الأوله سهلة(ن) والصعب ثانيها

ياصاحبي وأنت دوم معاصر أفعالي=ماجيت شاكي! أبيك تحلّ مافيها

مو عيب .. أحلّل جروح(ن) كنّها ظلالي=ومو عيب ينشد الرجال ويجيها

العيب لامنّ سكتْ وصارت قبالي=هموم وقت(ن) تراعيني وأراعيها

الحر يجزع إلامن حدّه البالي=والذيب لايج إلامن عك صافيها

خويّي اللي على ضيقي تعنالي=أخير من شلة(ن) سودا خوافيها

وأخاوي اللي على الشده تعزوالي=وربع الرخى عارف(ن) وشلون ألاقيها

هذي الخلاصه وهذي جملة أقوالي=كلمه أخيره وملزوم(ن) لك أحكيها

هاللحين عادت جروحي كنّها ظلالي=(والنار ماتحرق إلا رجل واطيها!!)[/POEM]

مخرج ...

حين يعود .. الضيق .. صديقاً .... كُنت هنا ..!