قصة غريبة.؟!!
مابعثر الوقت كثر احزانه بروحي
ولا تفرّق وصال العمر إلا به
ولا جمعت الأماني يوم لطموحي
إلا غرس ناعي الصدمات بي نابه
ماودي اكتب شعور يراود وضوحي
لكن الايام تحيا بي وانا احيابه
الآه مصدر تغافل راحة جروحي
بث الألم في حروف الشعر وإسهابه
وغديت انا والوهم والضحك ومزوحي
مزيج ما تفرق افراحه من اتعابه
سكة هجر غربة الأحلام في بوحي
قصة غريبة كفيف وضاع مشعابه
والغابة اللي نسيت بعرضها روحي
لو الزمن دار تبقى الروح في غابه
محتار تايه غريب وعالي صروحي
قدام عيني تهاوا وطارت اسرابه
عبدالله العتيبي