منتديات أبعاد أدبية - عرض مشاركة واحدة - التنمر
الموضوع: التنمر
عرض مشاركة واحدة
قديم 02-19-2019, 04:40 AM   #1
سعود الفرحان
( شاعر )

الصورة الرمزية سعود الفرحان

 






 

 مواضيع العضو

معدل تقييم المستوى: 18

سعود الفرحان غير متواجد حاليا

افتراضي التنمر



الفتنة الي تسببها بوثبة نمور
وتصيد شيخ المداين ويغدي لك مرق

سابق على راحتك وارتاح ماهناك حور
الله عن خصومك بحسنك وزينك فرق

عدوانك اثكلتهم حقران حد الفجور
مهمل محيطك واذا تزعل ترى نحترق

اسعافك اوقات ورجال المطافي ومرور
وانا لحركاتك احس اني امن الطرق

اسلمت لك قبل اعرفك وانت دينك سفور
يالي على شانك السكيره تشرب /عرق

اصحاب الانجيل لو شافتك تقرا الزبور
ومن يشرب ان شافك يتلعثم ان ماشرق

ألف وادور معك اذا تلف وتدور
يامعلم البحر كيف يكون وضع الغرق

اذا امسك الكامره احس فيني قصور
وافكر وكل تفكيري معك منسرق

ماهو على شان شهره ولا لحب الظهور
يالي لاغنا لك الجمهور لحن انطرق

لذا فانا كل ماخافك تطير الطيور
وملامحي قدم عينك اتساقط ورق

بلاش تغتر فيني وانت فيك الغرور
والغيم يرعد على صوتك وهو مابرق

لاتعتذر وجهك البريء شفه معذور
لو تبتسم تبكي الدنيا عليك وترق

انت الي القلب تسكن فيه بلا شعور
مثلك دخل دون ما يقدم تذاكر زرق

تنمر بفتنتك واقنع جميع النمور
انا ليا شفت زولك اغدي لك مرق


حصرية لأبعاد وكل جديدي سيكون هنا حصري
تحياتي للجميع

 

التوقيع

انتي حتــى الهوا ياقف على اشفاك دور
ينتظر تشهقين وتاخذينهـ بديـــــل
/


سعود الفرحان غير متصل   رد مع اقتباس