من وحــــي الصّورة :
حــذاري تحشـــد بعيني مــن الّلهفة مواكــب عيـد
وَأَنــْت الّلي يخـــاف يشـــوف للّهفـة بعيني لــون!
حــذاري تتســع للحـــزن بعيــون الــولـه وتحيــد
وأنا أشوف الحزن ما ضاق فيه إلّا اتّساع الكون
حــذاري لا تســاومني على سلمـي وأنا " التّهديد"
تــرى للحيـن مـــا زال السّــلام لصمتهـا ممنون
أنا أبسط من خيالاتك وأنا أعقـد من مـدى التّعقيد
وانا المايــل على حــدّ الصّبر والواثـق الموزون
وأنا ذاك المــزيد اللي يجــي فــي هيئــة التّجريد
وأنا المتجــرد الّلي زاده احســاس الجمــال فنون
وأنا صمـت الظّنون اللـي تحـاشى بـوحها التّبديد
وأنا صـوت اليقين الّلي تـردّد فــي صـداه ظنون
وأنا كــلّ الكـلام الّلــي عجــز لا يجيبــه التّمهيـد
وأنا التّمهيد لا منّه لعــب فــي حسبـة المضمـون
وانا المتــراخي الــواهن وانا الحــدّة وأنا التّشديد
وأنا معنى العطا الحرّ إنْ غديت بداخلك مسجون
وأنا المتماسك الهــادي وأنا الفتنة وأنــا التّصعيد
وأنا المتناقــض الرّاكد وانــا المتـــآلف المجنـون
تبي تجرّب ؟: تعــال وعيـش بيـن قـلادتي والجيد
وشوف الثّورة إليا احتدّ عصـف السّـاكنة وشلـون
وهـــــج ....