كيف صبح يجيب لي ذكرك ويتركك ويروّح
بين أفكاري وبين الحلم ومراية غلاك
ع الأقل يجيب لي وصلك ولو كفك يلوّح
بـ الوداع من السنين العوج لين اول لقاك
كنت احسبني معك واقف ولا يمكن يطوّح
حظي بـ عزمي قبل لا اطيح في قمة جفاك
لين خضت اعتل حروب الحلم مع قيس الملوّح
وآتخيل كيف ينسى الحب لو ليلى كماك
كان تنور الحزن بُعدك وانا عمري الملوّح
كلما انضج في سنة نسيانك ارجع في صباك
صرت احسك في ربوع الذاكره شب ايتسوّح
زار بلدان المشاعر حس حس وما لقاك
كلما العن خامس الفكر الذي جابك وروّح
ارجع استغفر كثر غيبتك واستنى لقاك