[هديل نجد]

/

انتعش فيني
انفصال الروح
واتمادى الجسد

وعن رجوعي..
حال ـ جسر الحرف ـ بين الاتصال

وابتداني
الــ لاّ... ارادي..
يكتب الامي وجد

باح مني اللي خفيته..
دون ما ادرك

وقال::

.....

كيف اسكت
والصبر...
كوّن من الامك مدينه

في شوارعها زحام
وفي موانيها زحام

يا جريح الجهل
يكفي...
ابتسامك.. للضغينه

ما يهمك لو تحوّل
كل ما حولك حطام

دست.. احلام التراب
اللي يغذي زارعينه

وجفت انهار الحكايه
لجل احلام الرخام

وصارت البقعا تساوم
كل عاشق في حنينه

وابتدى داء الفراق
يصيب ذرّات الغرام

كيف تختار النجوم
واختياراتك سجينه

وكيف تعدم بائع الكبريت
والدنيا ظلام

أولوياتك نهاية
في دواوين الحزينه

وغاب عنّك مبدأ
الإطعام وإفشاء السلام

مبدأ النور اللذي
شفناه في اهل المدينه

لين ما امطر علينا
وين ما راح الغمام

قبل لا روحك تعوّد لك
بقول الله يعينه

هالجسد مما يعاني
في حياته من فصام

.....

شاكرٍ لك ما كتبته
وش تبي تهدرم بعد

الحكاوي المضيات احساس
من ضرب الخيال

معطيات الوقت
تنشد من بإيمانه جلد

ان رب الكون واحد
دون شكٍ أو جدال

سليمان عباس


..




هنا النص