لو بيدي
كنت اخلي الليل يعدي
وما يسهرني انتظار
كنت اخلي
ضحكتك ضي الشوارع
وارسم الظلمه نهار
كنت ارسم ع الوساده
حب ساده
وازرع الغربه سنابل
من حنين
تكبر ابعمر المحبه
وانسى احزان اللي مرت
ادموع في عتم السنين
لو بيدي
كنت اخلي ذكرياتك
ورد يتنفس عبيرك
واشعل القنديل صوتك
في ليالي البرد وادفى
ارتدي معطف حضورك
في غيابك
كنت ارتب
في رفوف الصمت صوتي
كان يتكلم سكوتي
في عيون العابرين
والمدى
كلما له يصير أبعد
وانا امشي باتجاه الحلم
واتعثر حنين
في غيابك
صرختي م اعرفت معنى الذبول
ولا اشتكت هم المسافه
صفحة القلب بيضا
م انكتب فيها ولا عابر سبيل
بس حسافه
كلما مرني طيفك
يشعل ادموعي انتظار
ياخذ البسمه ويرحل
وانا اذبل
بين خوفي وانتظاري
وعتمة الليل الطويل
لو بيدي
كنت اخلي الليل يعدي
واسهرك آنا لوحدي
ارسم الصبح افـ عيونك
ولا اخونك
حتى ويا ذكرياتك
وارسم الليل افـ غيابك
حلم وردي
واوعدك
حتى افـ غيابك
ما تحن تشتاق بعدي