[أصيله المعمري]

(1)




راح ابدء لكم بموقف مدري شا اسميه بصراحه؟

بس أنا أساساً شخصيه شيطانه


فلما كنا أطفال _ وأعتقد ما زلنا_ وفي بدايات صومنا كنت يمكن تقريباً صف 3 ابتدائي...ومتحمسه للصوم ...


فقد أحب اتفلسف على صديقاتي بس للأسف كنت أنشر أفكار غلط بينهم ...والله مو مني...منهم هم الي يصدقون أي شي؟؟

المهم

كنا قبل ما يبدء الطابور....نتجمع مع بعض...وأقعد أتفلسف عليهم عن الصووم ورمضان.. فمثلا مره
كنت اقول لهم أصلاً أركان الاسلام المفروض نؤدي منهم ركن واحد...يا نصوم أو يا نصلي..

فلما كنا في االشهور الغير رمضان كنا ما نصوم بس نصلي

يعني في شهر رمضان نصوم بس .وما لازم نصلي

وكنت اقنعهم بطريقه غريبه ...وهم يصدقون ....فاقولم لهم يعني هالوقت الله ينتظر منا الصوم..وما لازم نصلي...

بصراحه كانوا وايد اغبياء لانهم يصدقون وحده مينونه مثلي...
وبعدين انا الرئيس....فهما ما يقدرون يطلعون من شوري..


وف مره من المرات وحده من الاخوات...نقعت خيانه فيني..
وراحت ووصلت كل محاضراتي وأفكاري الغير قانونيه لمدرسة الدين

<<<ويا أصيله....رحتي فيها؟؟


عاد ايش صار بعدين
ما اقدر اقول


لاني انزفيت زف...الله لا يوريكم

وتوبه ما اسوي محاضرات بعد اليوم


قال شو....صوم لا تصلى
وصلى لا تصوم



،
،
،