السلام عليكم ورحمة الله وبركاته ..
[ مصيبة ]
اللي جَـلَبْـه الليل يقفـي به الليل
........................ واللي لفا به صبح , صبح ايغدي به
واللي ضرى للشيل .. ما يقدر يْشيل
........................ نفسه لا صار الحمْل فرقـا حبيبـة
شفني أغنِّي لـك شعـر والغرابيـل
........................ كل غايب اقفى به مماته .. تجيبـه
ملَّيت يا
الكايد من أوجـاع ٍ اتميـل
........................ فيني وانـا المليـان فقـد وغليبـة
بالله كانك تقدر اتشيلنـي .. شيـل
........................ قم واقْفي بي عن هالسنين الكئيبـة
ما عدت قاوي أنطح الوقت وآطيـل
........................ في وقفتي.. وانا مطيحـي
مصيبـة
خيَّال خانه سيفـه وخانـت الخيـل
........................ يَعْدِي لحاله والزحـام ايْعـدي بـه
طاحت من اعيونه رجاجيل .. لا جيل
........................ من قبل صدر أمَّـه يـدرَّ ابحليبـه
من مولده عينه تعـرف الرجاجيـل
........................ من مولده عين القصيد اتهـذي بـه
مرّ الطفولة حلم مـا مرَّهـا ويـل
........................ كان القريب وكانـت اقـرب قريبـة
والحين صبحه يشبه الليل ..والليـل
........................ يشبه عويل الذيب .. بغيـاب ذيبـة
هذا أنا والحيل .. ماعاد بـي حيـل
........................ جيتك صعب ..واعنِّـزَك للصعيبـة
عبدالله الكايد ..
لكل عين قرأت النص شكرًا بإسراف
.
.
ناصر حطاب الدهمشي