السلام عليكم ورحمة الله وبركاته
مساء الخير لكم جميعاً
سعدت جداً لانضمامي لكم
في هذا الصرح الأدبي الشامخ
*
*
لسانك من وتر يصرخ ضجيجك داخل التجويف
صدى صوتك يعم الكون ... بس الكون ما همه
مقامك بس للـ غربه و دمعك مثل حد : السيف
عصافيرك : وجعها يرتسم .…. لـو تعتلي / قمه
لقيْت من الشجر حتفك قبل لاتبتدي التخريف
قبل حتى الخريف يهز غصنك / و أنت من دمه
قبل لا تروي جذورك ... و يقتلها شعاع الصيف
و تسكن وسط تابـوتٍ … يضم الهم ؟ و تضمّه
شبعْك القهر في جوفك ولكن ؟ ما شبعت رغيف
على حزنك رقص كـل شي حولك و انت مو يمه
نثرت أحساسك المرهف على كل المدن و الريف
ولا جاك الجواب اللي يطمّـن … بعـدك / الأمه
محاولتك - تمدد هالامان … و تمنع التخويف
و مات الحلم في كف اليتيم … ولا قضى غمه
تجرب كـل ما غنيت - لـ افراحك هـلا بالضيف
يخونك هالفرح و يدس .. نورك في وسط كمه
تضحّي في سبيل أنك تعانق صورتين و طيف
و قنينة عطر … تسترجع الماضي …..ولا تلمّه
تبسّم من على شفاهك .. تدور / للامل تصنيف
تصفّق لك يدين الناس و أنت أتصيح يـاااا يمه
سكن فيك الظلام وجيت من نور الحياة معيف
قتل فيك الطموح اللي سهرت سنين في / لمه
خطاك أنك رضيت أتعيش حتى دون ليه وكيف
يجرعك الصبا / حرفـه و تشرب من قذى سمه
همومـك تكبر وتكبر وراحت مثل ضلع / منيف
و حظٍ منخذل واقف ... و مات الحكي في فمه
غرقت بغبـة أحزانك - ومتنك عاجـز التجديف
ولا عشت الامل / لحظـه ولا كفيت عن … همه
مباديك العظيمه - ما رضت بـ الشك و التزيف
يبيْعون الذمم غيرك - و ترفـض .. بيع هالذمه
- علي الغانمي