[عبدالعزيز محمد المالكي]

أحبّك عتق من كسر الخواطر من فراق الكل
وأحبّك فالمطر في ساحة الشارع، وجدرانه

وأحبّك مثل ريحـانه سقتها أمـي بحب وظِل
وقلبي تربتك، وأنتِ بغـرس الحب / ريحـانه

معي وجهك هُدى مادد يدينه لو دعائي ضّل
شعورٍ بالوفاء لا خرّ من قلبي صدى أحزانه

حبيبة كـل مافينـي، ولا فينـي، قليـل ومل.!
من النظرة على عيونك وهي بالحب هيمانه

جمعــنا حلم فـي حيّ الصباح، وبللـه بالطّل
وباقـي مبسمي يذكـر دفـا مبسمك.. وألحانه

أنا من ظِل، يتفيـأ علـى أوراقـي كثير.. وفَل
ووحدك من نبت في فيّتي، وأتقاسم أغصانه

وأنا حولك ومن حولك شعوري ماذبل أو قل
مشيت العــالم المقفر غريب، وحسك إيمـانه

خطاوي صمت ما تخفت معاي ولا تدوّر حل
ولا صوتي بيـارق لوّحت للبحـر/ والدانه

ووحدك حِل في هذا النظـر، والقلب هذا حِل
هنا مرباعك اللي ما يبس نبضه ولا أشجانه

يغيب الكل من بالـي، ولا تغيبين مثل الكل
معك بالـي، وساحة شارعه، وظِلال جدرانه

2019

غناء: مشهور بن عبدالله
مشهور - أحبك عِتْق - SoundCloud
Listen to مشهور - أحبك عِتْق by m2shhor on #SoundCloud
https://soundcloud.app.goo.gl/8xTfM