.
.
.
قل غيرها يابدر مادام حالي كسيف !
........ تكفى قل أكذب .. ورب البيت ما أزعل عليك !
يارب .. يوم العزا جاني بـ مخلد خليف
............. تجبر مصاب الذي ما آمن بغيرك شريك !
يارب .. مخلد لفاه بغفلة الموت ضيف !
........................ يارب عوّض له أيامه براحة يديك !
يارب .. طهّر رفيقي .. دامك ألطف لطيف !
............. يارب .. ليلي قضيته .. بالدموع أرتجيك !
...
..
ياراعي الددسن البيضا .. وراع الرغيف !
.................... ياللي خذاك القدَر عنّا وحنّا نبيك ..!
لحظة سمعت الخبر .. نوّخ عليّ الخريف !
................. ضمّيت ذاك الجِدِر حتى نطق : "ويش فيك.؟!"
أدري .. لو إنّه يعرفك .. كان ساوا الرصيف !
.................... من فقدتك .. والله لحدّ المقابر يجييك !
عشرين وأربع وذكرك .. كل ذكرك نظيف !
....................... ماغرّتك دنيتك .. لو كانها تشتهيك !
تبكيك ياصاحبي .. عذرا .. وشيخ .. وشريف !
................. وتبكيك عين وصدر .. وإحساس بيّ يحتريك !
يبكيك طيب العرب .. يوم أنت للطيب ريف !
............. يبكيك حلم العرب .. يوم العقل مكتسيك !
وتبكيك ياصاحبي يمنى الضرير الكفيف !
............. وتبكيك "عزّة" برغم الفقر .. كانت علييك !
وأبكيك أنا .. يوم أنا للضيق حسبة وليف !
.................... أبكيك وأدعي عسى تلقا جنان الملييك !
...
إلى رحمة الله يا مخلد
إلى رحمة الله يا مخلد
إلى رحمة الله يا مخلد
..