السلام عليكم ورحمة الله ،،
مساكم شعـــر
تم نشر قصيدتي " أجمل ثلاث أشياء "
على مجلة النهضة بتاريخ 14/8/1429هـ
والآن اضعها بين ايديكم
واتمنى انها تعجبكم ..
للإستماع
[BLINK]>> اضغط هنا <<[/BLINK]
أجمل ثلاث أشياء
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ربي عطاني منه والكل شاهد = أجمل ثلاث أشياء بأرضه هدية
البدر في حال اكتماله يواعد = والبحر اشكي له همومٍ قوية
والثالث أجمل خلق بالحسن زايد = حوّا .. تباهت زادت الشوق فيّه
من غيرها كانت على القلب ساعد = يدفن هموم ويزرع الوّد ليّه
بلسم جروحي والوفا منها وافد = يسري بدمي عانق الروح بيّه
هي شمس في كوني وروحي عطارد = ينبض لها قلبي وشوقي سويّه
بس الدلع أوقات يفرض تباعد = مهما تباعد تبقى بالبال حيّه
وأبرز طبايعها تلين وتكايد = تظهر فراشة بس من أصل حية
أحيان تستاهل من الناس واجد = وأحيان واحد يكفي مليون وميّة
أجمل ثلاثة قلتها بالتصاعد = لكن تراها ما هي هاذي القضية
اللي شغل فكري وما زال واقد = بنتٍ تصب الدمع فنجان اديه
عافت عواذلها وكل المقاعد = تبكي وتشكي من غياب وْأذية
حاولت أواسيها وأجيها مساعد = وأطفي لهيبٍ قد تمادى بغيّه
سامرتها يوم أصبح الجمر بارد = أجمل ثلاث أشياء قوليها ليّه؟
قالت لي حزني صار فالعين راقد = كل الأماكن واللي فيها بليّه
ما شفت في كوني ولا شي واحد = أسود نهاري والليالي شقيّه
كررتها ما ودي ترجع تعاند = قولي طلبتك بس ردي عليّه
قالت لي خالد ثم خالد وخالد = الباقي اللي رد روحي شويّه
من بعد مـ أقفى من على القلب جاحد = دمّر أحاسيسي صباح وعشية
صار التشابه بين أحمد وراشد = بس إختلاف الإسم والروح زيّه
وأشوف كل إنسان في عيني مارد = والضيم يكسي قْلوبهم عنجهية
والكذب والتكذيب في كل واحد = ما يستحقون الوفا والعطية
يمكن يعود بيوم .. كل شيّ وارد = ينوي على رد الليالي الهنية
لكن أنا بنساه وأرحل وأباعد = الروح من حبه ونبضه غنية
شوقي طفا وأصبح على القلب هامد = والحين بنهي رحلتي الأولية[/poem]
كلمات : خالد سلمان " هدير اليّم "
لتحميل القصيدة
اضغط كليك يمين ثم حفظ الهدف باسم ÷ هنــــــــــــــــــا
!
!