العطايا والمقادير بأمرك يا كريم
******* ياعظيمٍ ما لنا غير جودك نرتجيه
الجوير اللي تجيره فلا يغشاه ضيم
***** لا صدوف بالليالي ولا خوفٍ يجيه
منزل القرآن والحق والشرع القويم
****** عروتك وثقى ولا غيرك بنزبن عليه
أحتمي بحماك يارب يالعدل الرحيم
******وارتجي مدة يمينك وعفوك ابتغيه
الظروف تحدّنا لو مرابعنا نعيم
****** ما طلبنا النذل شيٍ ولاحن نحتريه
شبحنا فوق السموات ونجوم السديم
***حاجةٍ في نفس يوسف ولاهي في يديه
والليالي تظهر الكفو لا اشتد الصريم
****سعد من نصيه ومن جاه يومٍ ينتخيه
الزمن دوار والدنيا نهايتها حطيم
******فاز فيها طيب الذكر وطايع والديه