[بندر الخزمري]

هنا أصدق نصوصي





والدي العزيز


أنت سبب وجودي في هذه الدنيا بعد الله
لك فيني كل شي

ولك مني رجل تفخر به

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]لك الله كل ما جيت ابتدع فيـك القصيـد احتـرت =
لك الله والمعانـي عاجـزه يـا شيخنـا توفيـك =
تميـزة بصفـاتٍ باطنـه غيـر الـذي اظهـرت =
كثييير من البشر حولك تمنـى لـو تشبـه فيـك =
انا يا ابوي من طيبك / لبسـت الثـوب وتبخـرت =
كفاني عطرك اللـي فالمجالـس خلـده طاريـك =
حكيم وبرهنت كل المواقـف حكمتـك واختـرت =
دروب المرجله ترضي عداك / ودربها يرضيـك =
عواصف ظلم جارت بك / وقف قبالهـا / كبـرت =
يميـنٍ بالقـدا مديتـهـا للعاصـفـه / تعلـيـك =
باسمك والدي تبنى حصون العز في مـا اْخـرت =
ولاسمك والدي يخضع شموخ رجال بيـن ايديـك =
انا واخوي جنحانـك / وجنحانـك الـى اشـرت =
تحلق بك على روس السحاب / وتعجـز تجازيـك=
انا لان الولي كمّـل صفاتـك بالقصيـد احتـرت =
شموخك / عزتك /حلمك /ورعك /وطيبك وطاريك =[/poem]

19/9



أمي الغاليه


لم أرى طيلة حياتي أحن منك

لك فيني شرايين تنضخ دمك

والدتي العزيزه

أعلم بأني وأن عملت ما عملته لن أوفيك أبداً

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]لو وهبتك كل عمري مـا وفيتـك يالحنونـه =
والا اقلك / يالحنونـه كـل لحظاتـي فـداك =
ولو سخى هالارض للي حبها واتعـب متونـه =
ينوزن باللي سخيتـي كـان يتفـوق سخـاك =
علميني كيف اوفي للجميـل وكيـف اصونـه =
علمي ذاك الجنين اللـي تغـذى مـن حشـاك =
طفلك اللي كم سهرتي في رضى دمعة عيونـه =
الصغير اللي حلف يقضي حياته فـي رضـاك =
والله انه مـا تغيّـر فـي شقاوتـه وجنونـه =
يكسَر الاشيا ويبكي ليـه مـا سافـر معـاك =
صدقيـه ولـو يشقـوا القلـب والا يفتشونـه =
ما يلاقوا غير اسمك والحجـاب اللـي هـداك =
آآآه يمّـه والدعـاوي تستبـق قبلـي مزونـه =
باْذن ربي تنفتح ابـواب رزقـي مـن دعـاك =
ومن رضاك احتاج / لاني صدق محتاج لمئونه=
يوم احُاسب فـانتهاك وفـانتهاك وفـانتهـاك =
سامحيني لو حصل وبجهل من جنبي خشونـه =
سامحي ذاك الجنين اللي تغـذى مـن حشـاك =
الجنين اللي وهب لك كـل عمـره يالحنونـه =
ما يوقف عن بكـاه / الا اذا حـس برضـاك =[/poem]

11/10