آلة الحزن
لكل روح بشرّية تعريف لهذا الحزن وآليّــة عزفه السوداوية /لكم هذا الحزن
الحزن : ماهو حزن
... لاوربي
أو مجرّد ( تسميه )
الحزن : لما تشوف
دمعتينك داخل عيونك / تـطوفْ
و ماتبلل وجنتيك... !!
الحزن ماهو بإيدي / ياقصيدي
أو بيديك..!!
الحزن : ( آله و تعزف )
داخل ضلوعك ( شتى )
تحطب عيونك ( متى) ؟ !!
و ينتشر بك شيء قارس
يشبه ( الهجره ) من الشاطئ لمجموعة
....../ نوارس..!!
الحزن : ماهو حزن
لاوربي...
الحزن : لما تكون
تقرأ بعيون أصدقائك
وتدري باللي / يكتمون
قبل لاهمـ / ينطقون
تنطقه لو / إحتضارك
و لما ترمي ( حزنك ) إفـ مرآة دارك
إنت / ماتدري إشتبي ..!!!
الحزن : ما هو حزن
الحزن : ذا .. / ... ( لولبي) !
يعصر أنفاسك بصدرك
يفرغه من هـ ( الهوا )
( لعن أبوه ) ../ إليا / إلتوا ..!
كنه آخر ( جرّة ) عزوم ( الكمّان ) !!
بآخر ( أوتار ) التّوحد
لا تّوجد بالبكاء / ( فنان ) !
( يغرس ) بأوصال روحك
و بجروحك .../ ( كُل شيءٍ فان)
( كُل شيءٍ فان)!!
الحزن : ما هو حزن
الحزن : ../ ( سجّان )
( يشهق ) ألوان الصباح
و كل ( نورٍ) لك مباح
( ويزفر ) العتّمه بعيونك
و لما تشكي ../
أو تحاول مرّه تبكي
الحزن : ذا يخذلك
( و ربي إنه يخذلك ) !!
... ( جوا صوتك )
جوا / نظراتٍ يبعثرها سكوتٍ مثل / موتك
لما تسمع هـ ( السؤال ) !!
( ليه حزنك دايــمٍ مستمكنك ) ؟
حينها ( ودّك ) تسولف
تصرخ إفـ كل إتجاهات المكان
و تنبت ( لسانك ) مآذن / ترفع أحزانك ( أذااان )
و ما تسولف له عشان
داخلك من يمنعك
يمسك لسانك عليك
و كل ( إيحاء ) بيديك ..!!
ماترك / لحظتها فيك
!( إلا رعشه و دمعتين ) تـعكس بـ داخل / عيونك
كل ( مصابيح ) المكان ..!
( إيه و ربي الحزن : هذا جبااان ) !!
( يملأ ) شباكك ( غرق)
و لما ( ترخي ) ( جفن ) شباكك عليك
/ ( سيّلك ) هالكلب منه !!
لا ( تِكــنّه )
.../ إسحب ( أهدابك ) عليك
( من ذبح لك هالسؤال )
ينتظر هذي (الإجابة ) !!
تكفى ../ يا جفني دخيلك لا يطق الدمع( بابه )
( إرمني ) إفـ كل الزوايا
.../ إرمني لــلا مكان
( بس في هذا المكان )
تكفا دمعي ماهو ( إجابة )
...../ ماهو ( إجابة ) !!!
بدر فرحان
يتبع!