تصحيح المفاهيم
مدري عتب .. مدري هجا .. مدري اهبال
صوت ٍ غفى عقلـه وبنّـج ضميـره
ضاقت مساحات الفضا والغبا طـال
وجه ٍ معي قبل أمـس كنـت أستشيـره
أقـرأ جـزء عمـا وآيـات الأنفـال
وافرض نفوذي عكس ذيـك الوتيـره
وأقبلت حرفي برق ورعود وخيـال
من شفت في عجن المعانـي خميـره
ازوال تتبرمج علـى رغبـة أزوال
والمشكلـة حيـره علـى بـاب حيـره
مفهـوم باطـل للرجولـه والاهـوال
كبيـرة ٍ وبـ عـيـن مثـلـي صغـيـره
اترك دهاليز ٍ واجـي طيـب ينهـال
اقنـع بـه الطيّـب نقـي السريـره
اثر المخابر زفت يا بعـض الاحـوال
خصوص بـ احضان الليال المريـره
الرجل مثل الغيم والطيـب همـال
لا طاح تجتـاح العفـن قشعريـره
أفرض لو أني مخطي بكل الاحـوال
ما تشفع الخوّه وملح ٍ وجيره؟!
متن الوفا بـ الطيب يا كـم قـد شـال
يا وجه شفت الشـك الأسـود يديـره
والكلمة اللي حدت الرمـي شعّـال
مات الوفا فيها وفـوّح عبيـره
شفت النوايـا الناصعـه حيـن تغتـال
بيدين وجه ٍ عاكس السير .، سيره
لقيـت فـي دورات الأيـام مشخـال
منهـا غنـي الطيـب ينكـر فقيـره
وشفت العيون اللي بـ نظراتهـا جفـال
ما تاجد لـ حشماتهـا بّـي ذخيـره
يا مفكر ان المرجلة زين الاقـوال
وأقبلـت قايـد بالمعانـي مسـيـره
تستنقد الموال فـي صـوت (بسكـال)
وتبيح رقص ٍ في أغانـي .. (شكيـره)
مدري (سميره) ذنبها (حبة الخـال)
ولاّ البلا يا شيخ غمـزة (سميـره)
والشعر لو انه غدا صوت طبـال
يا حيف يـا مقبـل تقـود الجريـره
ان كـان هـذا العيـب للعقـد حــلاّل
عساك ما عيّنت بيّ عيـب .. غيـره
من شرهتي عيـب ٍ ألبسـك سربـال
وقشر الغـلا مـده لمـن يستعيـره
واذا غلاك ادنـات مـا جـاه ينـزال
وفّر غلاك لـ شرهـة ٍ بـه جديـره
ما كل رجل ٍ اشغل ورى ضيقته .. بال
ويا كم وجـه ٍ طـول فرقـاه خيـره
طاشت فرس وأردت على الأرض خيّال
وصارت علـى الخيّـال ذنـب ومعيـره
اشوف تمييـزك بـدت فيـه الاعطـال!
واقبلت بـ جيوبك مـن الشـك .. سيـره
ومـن يرخـص ابناخيـه قـدام الانــذال
يالله شهيقـه مـا يبـادل زفيـره
الشعر أدب .. يا اهل الأدب سامي خصال
لو صـار قدامـي طريـح بسريـره
هل تعلم ان المرجلـه قول وافعـال؟!
والدين واضـح مثـل شمـس الظهيـره
يا نفس ليتك بس عن بعض الأشكـال
عـن عرفهـا ليتـك قبـل مستخـيـره
عساي .. مخطي غيـر فـي حـق رجـال
مـا دج بـه بيـن الخلايـق بعيـره
الناس في سطح القمـر تبنـي آمـال
وصويحبي للحيـن نسمـع شخيـره
يا مال فرقا العين يا مـال .. يـا مـال
محـد ٍ بنـا خسـران حبـة شعـيـره
اذكر (خلف هذال) مـن شطـر بـه قـال
من دون صهيـون انطحتنا سعيره
جرعـه مـن السـلال .. تمنعـك سـلال!
وشلون اعلّم مـن يشّـن .. المغيـره ؟!
من تقطع كفوفه // كفوفه ليّـا صـال
يقتـل غـدر ضـل الحمّيـا هجيـره
ماعا اصدق فـي شعـارات تنقـال
مدام اشوفـك قمـت .. كسيـره