مطاليب...
أقول.وادري ما لقولي مطاريب
وأعيدها طربان حتى.. الثماله
مالّذ لي تعكير صفّو المشاريب
هنّي.. من جدول حياته.. صفاله
الصاحب اللي نار حقده ملاهيب
غيران حاقد والحسد. راس ماله
ليه أنزعج.. لاجا يزف التراحيب
ويهذب المعنى..غريب المقاله
في غيبتك يحكي.لذيذ الأكاذيب
في بسمته تقرأ خفايا..النذاله
ولا صار يغتابك بكل. العذاريب
الغافل المغرور..ما شاف حاله
الممتهن شيمّة رجال المواجيب
ما قّدر المعروف.واللي إرتكاله
يرعى مع الراعي ويأكل مع الذيب
مدري هبّل!.. والا يسوق الهباله
النفس ما تخلا من النقص والعيب
واعظم عيوب الشخص ظلم وجهاله
يالله.يامنشئ سحايب من الغيب
ويا ملتجأ غافل..عليك..إتكاله
دام المطر يغسل عيوب المرازيب
راع الرضا يلقى العوض في عياله
مالي على عدوان ربعي. مطاليب
ولا أنتظر .. من غير ربي عدالة
بحني عسيري...