مالت ..
مالت : معها الأرض !
توقف ..
توقف .. معها الأرض !
حطّت يدها
[ فوق الخصر ]
أصبع ثابت -
أصبع مايل !
أصبع : والله ماهو عاقل !
يعني هذا - وهي تتأفف !
بنت النكبه - لو تتلطّف ؟
شالت يدها ..
من مشتلها ..
قامت تفتح .. في شنطتها ..
قالت : وينك أنت الثاني ؟
قلت أهلاً .. منهو ناداني ؟
قالت : خير ؟
أبحث عن روجي !
أنت أشفيك مسوي زوجي ؟
قلت أتأسف ..
ثاير موجي !
-
لفّت
ثم تقفل شنطتها
حطت هالروج
بشفّتها !
أحمر - وأحمر ؟
ماهي جايه !
يعني أستغفر ربي ..
آيه !
ذي أنسانه -
كيف إنسانه ؟
زي الناس - شلون ؟
الناس ؟
هذا أنثى ؟
حاجه أسمى !
حاجه أعلى !
فتنه كُبرى !
قلت بنفسي .. بنت الـ … !
هذي ماتنحب بقلب !
هذي قلب فـ داخل قلب !
هذي النظره فيها تقوى !
لو النظره فيها " ذنب "
هذا اجمل واطهر ذنب !
هذي لو ينظرها ابليس !
يصبح قيس
ويصبح هيس !
هو يفضى ..
يصبح خنّاس ؟
مايفضى يوسوس ..
للناس !
هو مشغول .. بهالاناناس !
فجأه : قامت
قالت تسمح ؟
قلت اي والله
[ كلي أطمح ] !
قالت : ثوبك ..
شايف .. ثوبك !؟
قلت ببسمه :
يسلم ذوقك ..
قالت : ركز مال الكوب
سال ..
وبلّل .. نص الثوب .. !