السلام عليكم ورحمة الله وبركاته
.
.
.
على نفس المسيره المتواضعه
اتمنى ان لا اكون اكثرث واثقلت
.
.
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا حلم .. مع زحمة .. أحلام الفقارى .. دخلت=من نفس الأبواب .. نفس الضيق .. وأنت البديل
كنك وليد الفقير اذا توظف .. نقلت=مع أول همومك همومي .. و أكيل وتكيل
يا حلم ما ني مكابر ... لو نقضت وفتلت=لي في طموحك طموح .. ابعد .. ومسرى طويل
قبلك وحيد .. وسعدت بمولدك .. واحتفلت=وأعطيتك .. الراي .. والرايه ..وخِبرة دليل
كنت أتبعك لاي وجهه ... ما اذكر إني سألت=أسعى واغَسْل التعب .. في قول صبراً جميل
و أرقبك في كل مشرق محتمل .. لين افلت=نورك حجبه الخطاء وأنت اختلافك ثقيل
تبحث عن المرتع الآمن .. وأنا اللي زمَلت=من كل مأمن ومرتع .. فيه مُبهم وأصيل
على يميني يا حلم اشره .. وفيها وصلت=أطرافك القاسيه ... قبل ادري انك تسيل
يوم إن دربك تمايل .. وأنت يا حلم ملت=هذا اعتدالي شمَخ ..عن مايل ومستميل
صحصحت من فتنة المتغليه واعتدلت=وابعد على المستحيله .. من مدى المستحيل
هي استحالت علي .. لأني عليها استحلت=أنا عدوّ الخضوع ... وهي تحب الذليل
غيّرت كل اتجاهات أمنياتي وقلت.. :=من قل يا كثره ... يكفّيني ... أكثر قليل
حزمت بعضي على جنب الزمان .. ورحلت= ِلأي بُكره .. يحقق لي مراد الرحيل
أجهضت مع طلّت الدمع النحيب .. وصهلت=ومع طلّت الموت .. ليّ اخترت .. موت النخيل
عزيز .. وأخشى من الحسره ومهما انفعلت=لا من .. شهقني صدر ليلي .. زفرت الجزيل
لو انعزل وأعطي أشكل .. للوجود .. اتكلت=على إلهي .. وهو حسبي ونعم الوكيل
ما اهتم في ما علمت .. اهتم في ما جهلت=لان الجهل خارج .. التوقيت والمستطيل
شفت الوهم سلّم .. ولا من صعدته نزلت=لين الطموح ..أصبح استنزاف .. ما هو حصيل
يا كثر ما طحت .. بصدوف ومقالب .. وأكلت=من مخبز الواقع .. وكف الزمان البخيل
أحلامي آفاقي .. ونظام الأوهام فلْت=أنا أتمنى ... وهو يضحك معاي ويشيل
يشيل .. وأثرْه انا اللي من عنا الوقت شلت=ما لا يطاق .. لعيون الفاتن أم الجديل
وللفاتن اللي خدعني حسنها ... ما فعلت=إلا مثل جيلي ... وهذا لِهذا عديل
قدمت ملي العيون ألمبصره .. واكتملت=لو ما لها .. ألفين مقياس وطريق ووكيل
هنا .. بدا الشك يدخلني .. وعنها كفلت=مجموعة الأمنيات اللي بليا كفيل
وهنا .. تجلا يقين التجربه .. وارتحلت=ومن بعد حلم الخلود .. أمسيت عابر سبيل [/poem]
.
.
تحياتي