[محمّد الوايلي]

نجد شامت لبو تركي وأخذها شيخنا
واخمرت عشاقها ( عقبانها ) عقب لطم خشومها
لا بكت نجد العذية تهل دموعنا
بالهنادي قاصرين شوارب قومها
حنا هل العادات مخضبين سيفنا
والطيور الحايمة جادعين لحومها
صعبة أفعالنا لابغاها غيرنا
وكلمة التوحيد حنا عمار رسومها
حنا هل العوجا نهار الملاقى عيدنا
والجزيرة كلها مدّبين قرومها
لابتي عوج المراكيض هذا سوقنا
بيعوا الارواح في الهوش باول رسومها
مرخصين ارقابنا لا زهمنا شيخنا
والقبايل كلها شيخنا قيدومها
في تواريخ العرب راسمين علومنا
وعادة الدنيا تزول وتدوم علومها

https://youtu.be/2eN10jcHUWU