/
\
أقول يا رب لا تضعف بي الهمه
و أنا يا ربي ضعيفة حيل من دونكـ
و أحلم يا ربي وأمني نفسي بالقمة
و جسمي ينادي ترى كلت بي متونكـ
و أسهر ليالي أهدهد حلمي و آلمه
و أهمس لنفسي ترى لكـ ربٍ يعونكـ
و أرفع يديني
" يا ربي جمل القسمة "
فرحني يا رب أبلطفكـ ومن هونكـ
و في زحمة الخلق قلبي يغرق بهمه
و تسألني أمي "
يا بنتي مختلف لونكـ ؟"
و أضطر غصبٍ علي أشكل البسمة
و أقول عادي فداكـ اللي يحبونكـ
و في داخلي أقول
[ همي كنه العِمه
أخاف يمه أخيب حلمي وظنونك،
ضميني يمه أنا محتاجه هالضمه
خليني أبكي و غضي عني عيونكـ
ببكي لحزني و بشهق حيل يا يمه
محتاجه أرتاح لا قلتي لي شلونكـ ]
أقول دايمـ بخير و قلبي بغمه
لوني طبيعي فداكـ اللي يحبونكـ
و لا جيت لوسادتي وسيعة الذمة
قالت : تعالي هنـا هموم يتحرونكـ
و ادعي الهي بـ [ لاتضعف بس الهمه ]
و أنا يا ربي ضعيفة حيل من دونك،