[POEM="font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اسمع بإنصـات.. والفكـرة خليجـة شعـور= مدادها مـن معانـي : ( نـون وَ الإنفطـار )
لـو مالقلـم قـدّر الدفتـر وحـب السطـور = مـا مـرّغ انفـه ودنّـق لـه بعـز النهـار
الجهل ظلـم وظـلام اجيـال.. والعلـم نـور = والمنطـق ؛ يـحـث بالتجـديـد والإبتـكـار
وانـا افكّـر.. إذن ماهـو بـلازم تـثـور!! = ( انااشهد ان الزمن فـي لحظـة الإحتضـار )
بكرى تجي عندنا ( سياسـة أَكـل الذكـور ) = وتصيـر كـل السوالـف ماعليهـا غـبـار
تاريخنـا عـاد نفسـه .. والليالـي تــدور = واللي جـرى اليـوم نسخـه لجتيـاح التتـار
مرّوا ( سمرقند ).. وافنوها إلى ( نيسبـور ) = وعثـوا ( ببغـداد ) بأَنـواع القتـل والدمـار
( المسلمه ) بالعشا .. و ( الطفل ) وجبة فطور = ( ورجالنـا ) روّحـوا يـا آكليـن الـمـرار
خطة ( هولاكوا ) حصار / ولا تجاوز شهـور = ( والحرب ريحٍ تسبّق بالهـدوء.. الحصـار )
ولو مالبطانـه / بطانـة سـوء وإلا شـرور = ماضعّفوا قـدرة الوالـي علـى الإنتصـار !!
ياكثر كثر القضايا .. والقضاااا يـاااا حضـور: = آخـر قضيّـة يبـي يُسـدل عليهـا الستـار
وانا اليا قلت / قلت : الحـق .. ماقلـت زور = مثل ( الفضيله مـن الإسهـاب للإختصـار )
والشعـر ديـوان .. والمـدح لـولاة الأمـور = أحيان وآجب.. وبعض أحيـان ذلـه وعـار!
وانا هنا لـو مدحـت .. ابعتـرف بالقصـور = لكنّـي اثنـي علـى العافـي مـع الإقـتـدار
يااشجع الناس.. واشرفهم / عميـق الجـذور = يااصدق الخلق.. واكثرهم ( عفـاف ووقـار )
عطيت ليـن الكـرم شبّـت ضلوعـه بخـور = مدّيت ليـن الفقيـر احسـن لسبعيـن جـار
ياارسى من النايفات اللـي تشيـل الصخـور = ثبتت .. ثبّتـت مـن اشـرف علـى الانهيـار
زهدتنـي بالمساكـن والسكـن والقـصـور = وسكنتنـي جنّـة الايمـان مـن غيـر اجـار
خذيتني من يـدي عـن كـل فسـق وفجـور = وحذرتني عن هـوى نفسـي واهـل اليسـار
علمتني كيـف اكـون انسـان بـلا غـرور = وزينتني فـي تواضـع جـم بأحسـن إطـار
خذيت عنك الصبر .. واصبحـت جـداً صبـور = وعرفـت كيـف التمـس للمخطئيـن اعتـذار
دليتـنـي لـلـدروب الـوارفـه بالـزهـور = اللـي تبشّـر بمستقبـل حـلـو وازدهــار
حررت عقلي .. بنيت المجد / والشرع سـور = يااصفى من الشمس منطوق وحديـث وحـوار
ياامضى من السيف بالاحكام حكمـه وشـور = مـع العـدل عقـل راجـح بإتخـاذ الـقـرار
خليـت الايـام فرحـة والليـالـي ســرور = والابتسامـه مابيـن النـاس صـارت شعـار
والله .. والله مامثـلـك بـكـل الـعـصـور = ماانت بملك .. والملك مرسول لك مستشـار!!
ياسيـدي سيرتـك تفـوح منهـا العـطـور = والشعـر كنـه علـى طاريـك بركـان ثـار
ياسيـدي والله انـي فـيـك جــداً فـخـور = اشيل شعـري معـي كوكـب وذكـرك مـدار
تسألني الناس عنك وقلت : شخـص مخبـور = والجـن / واليابسـه / وجبالهـا / والبحـار
والسيل / والليل لحـدود الفجـر / والسحـور = والكون / والشمس .. ظل الشمس يوم استدار
كل من سألني وهـو يـدري اقـول: معـذور = ( يبي على ذكرك الطيب .. يصلـي امـرار )!!
ياصفوة الخلق .. يالماحي .. ياعبـد الغفـور = اختـارك الله عاقـب.. واحسـن الاختـيـار
نبي توبـه / علـى الديـن الإلاهـي غيـور = نبـي رحمـه / تزبّـن كـل مـن استـجـار
على الشياطين يـوم اقبلـت صـارت دبـور = رميتـهـا واتبعـنـاك ورميـنـا الجـمـار
نشرت الإسلام عـدل.. ولابقـي فيـه جـور = تسامحـك سـاعـد الإســلام بالإنتـشـار
شلّت يد اللي رمـى فوقـك سـلاء الجـزور = الويل والويل له.. والويل .. والويـل : نـار!!
من هجرتك والثلاث ايام فـي ( غـار ثـور ) = ليـن الفتوحـات / والانجـاز / والإنتـصـار
عبر المآذن وعنك الحـق.. صوتـك جهـور = ينهـى عـن الإنحطـاط / ونكبـة الإنـحـدار
ماجيت في موكب .. وحشد .. وتصنّع حضـور = ولا مراكـب .. واستقبـال وسـط المـطـار
تشيل همّك علـى ( القصـواء ) بـلا فتـور = متسلح الحق .. والسيف الحدب ( ذو الفِقار )!!
حلتك مـن ( بردتيـن ).. ولاتجـاوز شبـور = والحلّـه اصـلاً عبـاره عـن ( رداء وازار )
الارض سجادتـك وترابهـا لــك طـهـور = وجسدك في بطنها رحمه .. وخيـر .. ومـزار
وانا اليا مر بـي فالـي علـى اهـل القبـور = تطري لي ذنوب لو هي صغار صـارت كبـار
تمر .. يحَرم علي .. ماهـي مجـرّد مـرور = اخـاف مـن عثرتـي فـي لحظـة الاختبـار
يارب بجيـك وانـت اعلـم بمافـي الصـدور = اني وقفت اطلبك خوف / ورجـا / وانكسـار!!
ولامعـي غيـر حبـي لـك اجـازة عـبـور = ومحبتـي للـرسـول الهاشـمـي ادخــار
يارب خـذ فـي يـدي للعفـو يـوم النشـور = وارزقنـي الجنـة العليـا وحسـن الـجـوار [/POEM]
[ الإبداع : صالح السهلي ]