وشـاركني الـدسم والـدم مـاشاركني الـرحله
عـليه مـن الله الـعفو الـعظيم و واسع الرحمات
الاهـي تـسكنه في روض جناتك وتفسح له
تـعلمت الـصبر مـن صـبره الـلي شيب الصكات
جـعـل ربــي يـعـوضه بـرضـاه ويـخـلف بـنسله
زنــاد وزنــد زيــزوم الـطـناخه راعــي الـوقـفات
نـقـي الـقـلب هـمـال الـكـفوف واثـق الـصمله
يـعـاودني حـديـثه قـبـل يـرحـل واوقــد الـونات
تــرجــل والـحـقـيقه بـاقـيـن نـسـريـنه وفــلـه
يـوصـيني :وفـي جـدية اقـواله بـعض بـسمات
مـثـل مــن يـخبرك عـن حـال امـرٍ قـد تـجهزله
ويـفـديني قـبـل قـوله ويـلهج بـاصدق الـدعوات
وهـــو مــؤمـن بـــأَن الامـــر لــلـه دقــه وجـلـه
يـقـول ان الـنهايه فـي الـحقيقه نـقطة بـدايات
اذا وارو الـجـسد لـحـد الـقبر ثـم احـكمو قـفله
طـريـقن وآخــره مـفـرق مـابـين الـنار والـجنات
أمـــم تـتـلـو أمـــم ...وارواحــهـا لـلـه مـرتـحله
قـنـع بـالي يـجي والـي يـفوت وكـل مـاهو آت
عـــرف ان الـسـعـاده والـفـرص ريـمـية جـفـله
نـبت عـوده عـلى جود السحاب وما تعلم هات
وفـا حـتى أن جـرحه لـوشكى صـبره تزهل له
لـطم ياسه بحسن الظن ,,باللي يفرج الكربات
يـقـول ان الـيسر تـوأم عـسر كـالغمد والـسلَّه
مـثل مـالليل يـمحوه الـنهار وتـنجلي الـظلمات
ورا ضـيـقـته لابـــد الـفـرج يـاتـي عـلـى حـلـه
سـلك درب الـكريم الـلي بـطيبه يدفع السيات
وقـــرر قـــد مـــا ربـــي يـعـيـنه يــدمـح الـزلـه
تـعـلم كـيـف يـصـدح صـرخـته ويـلمها بـسكات
تعلَّم كيف يـخـفـى طـعـنـته بـضـلوعه ويـدلـه
لـطم شـيطانه بـكف الـحلم لجل احترام الذات
تـــرك لـغـرابـها دود الـجـيـف وتـخـيـر الـجـزلـه
مـشى فـي نـور آيه وانجلت عن باله الضيقات
يـابـشرى الـصـابرين الـلـي تـفـوض أمـرها لـله
سـفـه هــرج الـقـفا: وتـغـافل الـنـكران والـزلات
تسامى عن نفاق اللي يدس السم في الدله
مـثـل مــن لا يـفرق بـين عـبدالله وعـبد الـلات
تــطـاول لـيـن وصَّـلـه الـجـهل لـلـغيب والـمـله
تـجـرأ بـالـكلام الــي يـجـر الـسـخط والـويـلات
يـصـدق مــن تـوهم لا لـقى مـن هـو يـعزز لـه
اذا كـان الـحكي نضح الخفوق وكاشف العورات
بـنـآدم بـصـغريه .ومـاصـغره لامــن صـغر عـقله
يـقـولون الـعـرب مـن خـلف الـطيِّب تـرا مـامات
وانــا اقـول الـوفا والـطيب بـاقي لانـزرع بـاهله
والا من حرت يالصقار بان الفرق بالهدات
وانـــا الــلـي لابـغـيـت الـرجـل والله مـاتـربصله
يــجـرب صـاحـبه والـتـجربه مــا بـعـدها اثـبـات
واذا الـما كـذب الـغطاس فعل الرجل يشهد له
وتـكفى لا تـحيرالساق لـوصالك بخمس جهات
اذا نـادى الـمنادي وش عـذر مـن ضـيع الـقبله
بـديـت بـذكر ربـي وانـتهيبه واطـوي الـصفحات
يـموت الـلي نـسى ذكـره ويـحيا الذاكر بوصله
صـلاة الله على اللي جا بـ نورن يجلى الريبات
نـبي الـرحمه الـلي نـور هـديه فالدجى شعله