شفني يا بو سلطان عكس الأشاره
وعديت عكس السير ولا تسأل شلون
يمكن طناخة راس ولا جساره ...؟؟
ويمكن اعاني من بعض حالة جنون ...؟؟
ابي انفصم و ازعل واشب السكاره
وازيد عيدان الحطب لو يشبون
و اولع الدنيا و هد المناره
و العيد اجيبه وخلهم وش يقولون
ما هي بلحية سيف و لاهي بغاره
و لا هي بزرقة شلف ورماح و طعون
اللي ذبحني يا بن غازي جهاره
قدام خلق اللاه والناس يوحون ..!!
له هيبة الحاكم سليل الأماره
مع غطرسة فرعون و جحاف فرعون
اطخم عليه من الملاحه نداره
ادعج غنج اكحل جفن رمش وعيون
اهيف حشى ومظمرن بستداره
ترف المواطي يرفعه دوب بلهون
اليا مشى كنه وزير بوزاره
خمسه على يمناه وخمسه يحفون
وخمسه اتمنى من يمينه أشاره
وخمسه وخمس وخمس زوله يراعون
للاه ابشكي حسنها مع وقاره
لا ني بكليم الله ولا ني بذنون .....