[عامر الأشجعي]

تدرين وش قصة الأحلام والمينا؟
تدرين وش تفرق الضحكة عن البسمه؟

تدرين وشلون ضيعنا أسامينا؟
هو باقي انسان فينا مايعرف اسمه ..

يمكن كلامي بلا معنى ويكفينا ..
نرضى بحكم القدر والوقت والقسمه ..

لكن دعونا نعيد .. احلام ماضينا ..
وطفلٍ يحسب الخطوط المايله رسمه ..

يمكن يطير الورق من بين ايادينا ..
مثل الورق بالخريف تطيّره نسمه ..

ويمكن يجي صبح ونودّع ليالينا ..
واللي بلا روح ترجع روحه لجسمه ..