[ميسون الرملاوي]

19 / 10 / 2007 _ 19 / 10 / 2018



والحادية بعد العشر
ذكرى عيت لا تمر
بليلة أعياها الصبر
كل الدقايق
والثواني
والساعات
صارت آهات
دمعة تبكي من الحنين
ودمعة عذبها الأنين
ودمعة وسط الحزن تاهت
هي حقيقة ؟
ولا من طبع السنين
اللي عيت لا تلين ؟
يما تكفي جاوبيني
ليه سنيني ما تلين ؟
وليه أحزاني كثير ؟
وليه ما ود الزمن
إني أعيش وأستقر ؟
ليه أبسط أحلامي تهون ؟
وليه نسيتني عيون
كانت لأيامي النظر
كانت عمر
ليه غابوا
في لمح البصر ؟
أدري إني مو ملاك
وإن مسيري للهلاك
بس ودي إني أعيش
قبل ما عمري يمر
آآآآآآه يما
سامحيني
والله إنه مو بيديني
إني أشقيك بهمي
حظك إنك تبقي أمي
وحظي أبكيك قهر
بليلة
أعياها الصبر 💔