لا صرت مبعد عن عيون المخاليق ..
هات الجروح وبوح عن كلّ خافي
صافي البحر لو شيف وسط المشاريق ..
لا تامنه ماهوب في يوم صافي
راحت على قولة فدا للمطاليق ..
والنّاس لو حبّوا .. بهم من يعافي
البوح من دونه عليه المغاليق ..
والصمت ماهو فاغلب الوقت وافي
و اللي يحوم وينهشك بالمعاليق ..
لا تتركه يقضي على كلّ ضافي
والملح في خدٍ عيونه مغاريق..
لو هو لمع بالليل والنّور طافي
تدري يَ قلبي ايش ما اقدر آطيق ..
إذا البكا أحيان ماهوب كافي
واللي يبكّي صدق فيني الطواريق ..
إذا صحت كل الجروح الغوافي
.
.
محمد الناصر الشهري