بين الملامح ظاهرة عز مهدود
حاول يخبي بان صوت الملاح
باطنه ضعف وظاهره صلب جلمود
نظرة ملوك ولكن العجز واضح
حاكم زمانه طاوي دروب وحدود
شيّد قصور وصيت في الكون صادح
الكل من حوله وفا عزته جود
البعض صاحب واكثر الكل مادح
طغى وتكبر مادرى العمر معدود
حتى دخل بحر الرذيلات سابح
وللي وفاله أمس جازاه بجحود
ومن كان مادح عزته صار جارح
كم سيدٍ في هالزمن صار مسيود
وكم من ضعيّف عاش دنياه رابح