[ندى القحطاني]

يا [ دمعةٍ ] حارت على باب الجفن / لا تَقرعين!!
.....................وأنتِ تريِّ دمَّ الكرامه .. والشموخ يُراق .. /بكْ !!
متى يواطنك البخت يا [ دمعتي ] وتقرّ .. /عين !!
...................ويزملك [ عُمق إبتسامه ] والربيع / يـراقبك !!

[poem="font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نَاحتْ غُصوني مع { ترنيمه الورقا }= تشلع خفوقي / لهايب حروهٍ تَسطي !!
لا الشمس / شقراء !! ولاعين السماء / زرقا !!= لا الرسم / رسمي .. ولاهالطلسمه /خطي !!
واعلتي اللي تصنفي أنا .. { الأشقى } !!=مبطي ظروفي تعاند فرحتي .. مبطي !!
صافحت كفّ الأماني / بإيدي العَرقا=وتكالب الوهم / في تَقّيدِي و ربطي !!
جريرتي / اقترفت {العزّ } ..به (أرقى=سنود).. والصدق أضحى مهري وشرطي !!
وعقوبتي / النفي في دوامه(ن) برقا=وزنزاتي / الصدر.. والطعنات / كم شرطي !!
يسقون حَدباء معاليقي .. ضمى الفرقا=اللي [ الأخذ ] شَرّعَها ولا مرّه(ن) / تعطي !!
ويبقى شموخي برغم ..آهاتي الحرقا=وإن حاولت كسر خشمي / والله إن تبطي .
لا طاح [مشطي] بزمن فرعون والغرقى=أستحضر [ البسمله] وأشيل أنا مشطي !!
وفرعون / ما همني رغباته الخرقا=طبعي جريئه وأحارب سطوه المخطي .
ويا (معمعه عصري المأخوذ) وين ألقى ؟!=وضح النقاء والأصاله في/ زمن نفطي !!
[/poem]



[poem="font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مسقطي / في { قريه الفانوس } .. لكنّي نزحت = صوب { مصباح المدينه } / أرتدي .. حظَّ الفقير !!
لا يغّرك يا قديم الحزن لو - سهواً - / فرحت !!= أو شخطت { خطوط ثلجيّه } على صفحه / سعير !!
أصدرت [ تعويذه الأفراح ] حُكمي وانجرحت = وفي حصير العمر / مدري وش مصيرك يالحرير ؟!
ديدنه حظي المبعثر / لا استراح ولا استرحت = كم وطاني ؟ وامتطاني ؟ ثم رماني / بقاع بير !!
وغبّشت وحشه { ولد يعقوب } أعياااني / وصحت := ليتني / عصفور .. وانفش [ جرد جنحاني] وأطير !!
ودكنّي زمل الظنون وبعثروني فوووق / تحت = وشلت حملٍ كالحمول اللي برك منها البعير !!
ونامت دموع المطر في محجر الغيم وسرحت = أسبر أغواري بتردد موجتي / عِبر الأثير
لو رميت - لوصل نايفه العُلا- نردي ربحت = وانشدوا / قرطاس شعري ، والمعالي ، والعشير
وعزتي / تلمس شموخ سهيل لامني مدحت = وسيرتي / لامن لقطها الجمر / ناضت بالعبير
ليه تلحقني مشاريه الليالي .. لا دمحت ؟!= ليه تقطفني [ عنب ] وتبّدل أحلامي [ شعير ] ؟!
وسط أمواج المواجع / عكس تياري سبحت = ووقت طفرة نشوتي .. جفت ينابيع الغدير !!
واصطلى / وسط الحشا .. جمر الأسى لما لمحت= طير روحي بين أقفاص الألم يبكي /أسير !!
كنت شباك الأمل في ناظره لما انفتحت = انتعش تعبيره اللي ضجّ في هيئه / زفير !!
وسالت دموعي كسيفه.. يوم شيعته ورحت = ما بيدي حيل يا طيري / سوى دمع(ن) نثير !!
أبكي ذنب(ن) لا اقترفته / لا سلكته / أو جنحت= وابكي عيون السعاده .. لأنها عمياء الضمير !!
وفاح صدري بريح فرقعه الحطب لمّا صدحت : = داخلي فلاح ضامر وسط غابه { لا مصير }
اهزع غصون الخفوق ..لسدّ جوعه / مافلحت= وفي عذابه ما ظهر بين البشر له من خشير!!
وصرت [ فرصه ] من ذهب ( في كف أقداري سنحت) = والبلى صكات بقعاء شيّبت قلبي الغرير !![/poem]

و
رتّل الليل إنكساري
وطمّ في آيه نهاري
وصار صدري للجروح(ن) بارده
زمهرير(ن) وسط ناري !!
أتعكز بالرجاوي ..
وأتلحف بالهقاوي !!
وأنتظر صوت البشير ~
والعطش .. تشحذ لهاته ..
قطره من هاااك النمير !!
وجاء صدى صوت البشير
يحمل التهديد في صوت النذير !!
واستخفت بي الليالي ..
ودثرتني بثوووب بالي !!
واستخفت في شعوري ~
صاير(ن) شعري تفاهه !!
أتفه إحساس(ن) على سطح البسيطه !!
والبلى والله ماني بالبسيطه
إييييييه ماني بالبسيطه
والله ماني بالبسيطه

خالص الأماني للإرتقاء إلى ( رُبع ) ذوائقكم
العذبه والمُتراميه على ضفاف سماوات العلو ..
ندى القحطآني
شروآي ح ـلم
I I