.
ارتجف غصن الشعور الغض وأعياه الشتات !
وانكسر في داخل ضلوع المشاعر ألف بيت !
لحظتي توجع وأنا أقبض فوق كتفين الجهات !
استميحك عذر وابعد غصب وشعوري مميت !
ماقدرت أقطف بنات الخوف من ضلع النجاة !
ولا قدرت احميك من رجفة شعوري لآ بكيت !
انتظاري موجع وفي خاطري زحمة لغات !
كيف ألملم هالشعور اللي بروحي يستميت !
ماقدرت أنسى تفاصيل الالم والتمتمات !
ومافهمت احساس هاللحظه ولا عنها سليت !
كل ما صديت توجعني وألاحظها تبات !
صمتها العاجز يذكرني بآلامٍ طويت !
.