هلا بالوهم
.
.
هلا باللي يسافر في وريدي
...................يرد الروح من تسمع دبيبه
حداه الشوق واشجاه النشيدي
.................ونسايم ورد في قلبي تجيبه
هناك يعيش الاحساس اف قصيدي
....................يحس بلوعة القلب ولهيبه
ويقراني وتزهر في بريدي
.................رسايل شوق من روحٍ حبيبه
ينوّر بالحشا ورد ويزيدي
...................إلى غيث الوله منه يصيبه
كما طفلٍ اعيش اليوم عيدي
.............واعيش اف سكرة الحب الغريبه
وفي صدري بنى عالم جديدي
........................انا وياه رحنا نلتهي به
يناديني وياخذني من ايدي
...................نطوف العالم المبني بطيبه
خيالٍ جا وهو عني بعيدي
..................وحالك ظلمتي يشكي مغيبه
وهاك العالم المنسي الفريدي
....................يطيح بلحظة اللوم المريبه
يلوموني ؟! يزيد القلب قيدي
.................يخلوني؟! ترى ما هو نصيبه
يعزوني ؟! عزاهم ما يفيدي
....................أنا جرحي تملل من طبيبه
وهلا بالحلم إلى جا مع وديدي
..................يطيب الجرح إلى منه يصيبه
هلا بالوهم من يسكن وريدي
.....................يبطل قلبي العاني نحيبه
برهان المناصير