*
أدري ،
بتوق الليل و أسراره ..
و لا تدرين ..
إني أحبك كثر ما يمر الليل
على قلبي وأنا مشتاق ، وإنتي ما تدرين .
و أدري ،
إنك في غب البحر .. تشكين
تصارعين أمواج ، و مجدافك سهر
و المركب العالي حزين .
وأدري ،
إن أقداري معك باقي ،
ولو بتعب ، يا ألذ التعب ويّاك ،
بالزين ولا الشيّن .
و أدري ،
و تدرين ..
إن روحي غير شوفك ،
والله ..
ما تلّد العين.
و أنا أدري
بشوقك و ابتهالك ، و عادتك ..
و مزحك و جدّك و أطباعك
مهما تمر سنين .
مثل ما أدري ،
إنك تسهرين الليل ،
تقرين أشعاري ، و لا تنامين
لين الحين ،
أدري
*