[محمد السالم]

إذا النجوم السّواري ماحكت عنّي

____________ استشرف الرّيح ؛ تحّكي لك عن أخباري



لاشتّد كوس الجنوب وجاك متحنّي

____________خِضاب كفّه مطر من ريشة اشعاري



افتح قميص الغياب وخلّه يغنّي

____________تهدي لي الرّيح صوته يازن أوتاري



كمّ كنت فنّك وكنت بواقعك فنّي


__________غيثارتي ضحكتك واغناك مزماري



صحيح انا منْك وانّك بالأصل منّي

______________لاكنّ بعد القطيعة ماني بداري ؟



هل عاد طيرك على لاماي متمنّي ؟

____________ والا أن طيرك تدبّر عاتي الذاري



باقي هنا في المحاني حزن ماكنّي

____________ يسلّ سيفه عنت لا مر لك طاري



مازلت رغم الجفا ماخاب بك ظنّي

________ محسن بك الظن واوقد للوصل ناري


ياخوفتي تطلع الهقوة تجاملنّي

________ يصير ظنّي ضحيّة طايش افكاري



تدري وش اللّي خطير أنّه يجننّي ؟

______ لوّ جات رحلة رجوعك عكس مشواري