قلبي وانا ادرى في تفاصيل جرحه
.................. واسباب نزفه تشتكي دونها الناس
عيّنت له أصحاب واخترت نفحه
..................واختارت الأسباب لي عوج الاتراس
واستاذنت طيبي تبي زود ترحه
..................واعطيتها من صافي الصبر مقياس
حاولت من دون المحاذير لمحة
.................. تحيي أصيل الود في ضربة الفاس
حاولت ازيد من التفاصيل فرحة
.................. واثر الظلام الليل عكّر لي الكاس
شربت من كاس المواصيل مزحه
.................. هدّت لي الجدران وتزعزع الساس
ياليت لي من باقي الضيم ردحه
.................. تنحت مشاويري واعلّي بالاحساس
واكتب على وقتي "عمر عاف رزحه"
..................واعلن على باقي الألم كفخة الراس
إما يوفّي خافقي زين مدحه
.................. والا يفارقني بلا كتمة انفاس!
منار عبدالعزيز – القمرا
ديسمبر 2011