أتمنى ان تحوز على رضاكم
يامجد مدري يالعظيم ابن العظام
اشوف روحك للخطايا سايمه
ادميت نبض الكون من جرف لعدام
اجوائك الليله دمار وغايمه
ياللي تشيل الغيم وتشق الغمام
غرد سما بين الحرار الشايمه
يكفيك كاني قلت لك راس وسنام
ونفسك على كسب المفاخر هايمه
يكفي كسورك ماحوت بسط ومقام
وحدك فضا مالك زوايا قايمه
اسمح لي امشي طال عمرك والسلام
يالله فمان الله سفره دايمه
ادري اليا فضفضت تلحقني ملام
وتحيرك بعض الحروف العايمه
مافيه داعي اكشف ستار الظلام
احسن لي ارقد والسوالف صايمه
ياروحي اغفي لاعجاج ولا كتام
ولا تقعدين اهل العيون النايمه
اخاف لا فجيت صدري بالكلام
تنكست روس الطيور الحايمه