لا يجي قولوله ماظل بيا حيل
خلصن دموعي وبكيت سنيني
كان يطلب وآنا أقله بعيني هاي
بعيني هاي وحط اصعبه بعيني
على متوني حمل ذكراكـ والليل
وعلى متونكـ حمل دمعي وعذابي
بابكـ من بعد يطرد بالكفوف
و أنا بلا ما تدق ينفتح بابي
على دفتر غيابكـ طاحت العين
شـ عجب مابيّن بعينكـ غيابي !
,
,
,
تدري إنته النهايه تقطع الروح
وجاي بكل سهوله تقلي كافي
أنا من أول عرفتكـ منجم وجوه
وصرت حتى على روحكـ شي خرافي
تبدل وجوه وي تبديل الوجوه
و خطيه بينهن عايش منافي
ما اشيلكـ بعد ماظلت أكتاف
شلتك، قبل و انباقت أكتافي
كنت صافي وخبطني الكذب والله
و بعد لو تنقلب ما أرد صافي
روح لغير عالم اضحكـ وعيش
وصاحب غيري تستاهل عوافي
مقابر روحي انترست مقاتيل
و ما تقبل و لا مقتول وافي