[صالح العرجان]

بيني وبين الكثير من الاشقاء الغالين على قلبي قصائد ورديات وديه ومساجلات نتيه سأقوم بجمعها هنا

واولها من الشاعر ناصر حطاب الدهمشي

كانت في 20/10/2008
حين ارغمت على الاشراف لاول مره في ابعاد


مبروك يا صالـح من القلب مبروك
عقبال ماشوفك على أبعاد ريّس

نويت أبارك لكن الخط مصكوك
كنه يقول: إمن المراسيل أيّـس

حد إئتماني الفين و الحال مزنوك
و الراتب .. أقرش و المديّن إخسيّـس

لامن نطحنـي بس عينه على البوك
يضحك معاي وعينه تقول : كيّـس

محكوك..! لا والله فلاني بـمحكوك
إلّا منـتّـف .. يحسبوني كويّـس

معلوك بالدنيا ومن الناس معلوك
ماغير اًصـبِّغ في ظروفي واليّس

ياخي عرفت الحين .. وش حالة آخوك
لرموش عينه .. بالضياع إمتليّـس

أبلشتني .. ماتدري الحال مضكوك
هذي همومي جبتها لك و قيّـس

مبروك يا صالح من القلب مبروك
وعقبال ماشوفك على أبعاد ريّـس


كونوا بالقرب لمزيد من الماضي المستمر