يامبتعد لا تعتذر بالمسافات
بُعد المسافة ما يرد المواصل
فرشت لك درب الشجن والمسا..فات
كن النجوم لبوح حرفي فواصل
ناديت لك تكبح شعور النهايات
ولو على همسات بوح التواصل
ما شفت منك الا الجفا والمعاناة
والواضح ان القرب ماهو بحاصل
اول على شاني تصب الحكايات
مثل العسل من حالي الفم واصل
والا مثل ورد الحقول البهيات
عاطر شذاها مع ندى الصبح ياصل
واليوم تبعد كل ما جات بالذات
فرصه وتطلع جملة نروح فاصل!