[سامي الانصاري]

...





...


عمرى ماكنت اتصور
ان فى يوم بـــ يجينى
هم ..... والقا الهم يكبر
وسط عينى

عمرى ماكنت اتصور
ان حتى الفجر بعدج
ينطفى ولونه يتغير


وان دمعى يصير اكثر
وان همى يصير اكبر
وتنطفى شمسى بعينى

عمرى ماكنت اتصور


.....


يمه قومى
اسمعيــــــــنى
والله ضاق الكون فينى
زين قوليلى شــــــــ سوى !!!!
وين اروح

الحزن ساكن عيونى
من وين مـــــاطالع جروح

منهو غيرج
لو اغيب شوى ... يسأل عن غيابى
منهو لو فيوم امرض
يبقى واقف عند بابى
منهو غيرج
يمه منهو لى رحلتى
يقدر يعوض دعاج ....!!!



ياغــــلاى
ياغــــلاى
من دريت انج تعبتى
والتعب عايش معاى
لا الهوا بعدج احسه
لا ولا هـــ الماى ماى


نايمه يمه ..!!!
ترى ادرى
حتى وانتى نايمه
نايمه وقلبج على
انتى اصلا
طول عمرج
مايهج اى شى
الا انى ارتاح بحياتى

تذكرين
؟؟
لما كنت امرض ليالى
بين ايدج
كنتى يم راسى ليالى
تسهرين
يمه وينج !!!


بكت حتى درايش بيتنا يمه
بكا ثوب الصلاة الطاهر الاخضر
بكا موضع سجودك ... يما فوق الارض
بكا حتى
دوا السكر !!!
بكت حتى الطيور الى تمر بحوشنا كل صبح
تدور وين من كانت
تبلل كل فجر خبزه
وتنثرها لنا وتنام
بكت الاشعار
والاوراق
والاقلام
ياالـلــــــــــــــــــــــــه
يهــــ الايام
جذى فجأه
!!!
تصير اغلى البشر عندى
سوالف بس ارددها
وتم صاحى
اخاف النوم ياخذنى
واغمض عينى وافقدها

دريت الحين يايمه
بان هذا العمر ( انتى )
وبانى غبت
من غبتى
دريت الحين مااقدر
اتم لو يوم بغيابج
اى والله لو قمتى
لجمع كل وفا هالناس .... فى روحى
وصب روحى على بابج