[أنثى جموح]

يا دَمِع إنطر أنا في حضرة الناس وتطيح ؟
خلّنا لا نام كلن نختلي كيفٍ وكيف !!



لا تخليني جبانه تفخر ب قلبٍ جريح
لا تخليهم يحسّو وضعنا شيً مخيف



أدري ان العمر واحد والأماني لو يشيح
وجهها عنا محال انردّها في طعن سيف



ارغمونا بنْتِفارق ما دروا إنا نصيح
وان دروا فينا تعالَوْ فوقنا وازداد حيف



يا حكم قاسي قويً ما تكرّم بالشحيح
واختتم لمة شملنا بانقسامٍ للضعيف



يا دَمِع لو هي زوايا ضيقتي شيً فسيح
كان ما تسكن بعيني تنتظر سيل الحسيف



الجمر في داخلي ولّع حطب ضلعي صحيح
والعروق ب خافقي ذابت مع احمومه بصيف



والامل طاح وْ غصوني لونها صاير كليح
والحروف اللي تواسيني بدا فيها خريف



يا دَمِع لو هالهوى بيدي أبكتب بالفصيح
لا أبالي إن غدى همي ثقيلٌ او خفيف



بسّ ماهو في يديني قلبي وميله صريح
والوفا جنة حبيبي لا دريت انه شريف



من يفهّم جابرين الكسر لو جاهم كسيح
من يغيّر فكرة ارباطه إلى فكرة وصيف؟



هو انا اقدر اعالج موقفي لو هو طريح؟
كل ما فيني تأوّه والألم ما هو طفيف



باقي ب قلبي شعورن يطلبه ما يستريح
وين أبلقى مثل روحه معدن احساسه عفيف



يا دَمِع إنطر هذاني بختلي فيك وتطيح
طيح لا تبقي بعد كيفه على هالكيف كيف !