الكل في هالبلد فاجر
من راعي البيت للغلمان
سلم على وقتنا العاقر
اسلم وسلم على نزهان
الوضع يحتاجله شاطر
اعقد تحالف مع الشيطان
أو كن رواقي مع الظاهر
ارسم جنونك على الحيطان
صدام لو ماهو مغامر
ماكان نحقد على إيران
ماجيت نخوة ولا غاير
ماظل خيلٍ ولافرسان
أحيان ياخذني الخاطر
اطمح ولاخضت أنا الميدان
ترى القناعة من الآخر
هذي هي الكنز يافهمان
أصل السياسة ترى عاهر
بالدين ماكان له عنوان
كل يوم تلعب وتتماكر
تنقل خطاها بخط ردان
ماكان تظهر وجه سافر
لوكان تدري بنا غيران
موروثنا زيف من غابر
والا مثل هرجة الرعيان
يوم السقيفة كشف ساتر
لولا التدارك من الاخوان
يافتنةٍ .. مالها دابر
ضاعوا بها جملة العربان
اليوم ندفع بدم فاير
ونشيد في هيكل سليمان
المشكلة في فكر ناصر
الكل صفى معه خسران
قالوا معمر ترى كافر
قلنا الحقيقة تبي برهان
نشكي من الجوع ونكابر
مدري انتباكى على عثمان
شعب يتذابح على شاكر
ماعاد تعنيله الجولان
هذا زمن صعب ياكاسر
ماهو زمانك ما انا غلطان
الكل في هالبلد صاغر
ياشويش سلم على هيشان