ليت الجدار انهدم
وما عاد بينا سدود
أكتب بليا ندم
أكتب بليا حدود
حياتي صارت عدم
وبعدك ماليّ وجود
يمه حواني الألم
وبيّ الحزن موعود
* * *
ليتك بقيتي معي
ولا خذيتيني
لو بالبعاد أنكوي
كنتي تحسيني
والحين لو أشتكي
محدٍ يواسيني
يمه كفاكِ بعاد
بالله ضميني
* * *
وصيتك ليّ
كانت "أروح أرتاح"
ومن يومها يمه
وأنا ليلي كله جراح
عيا الزمن يفهم
إن فيه بعد أفراح
وإن طال وقت الليل
لا بد ييجي صباح
* * *
دايم يعاكسني
كنه يعاندني
يبيني دوم أنحني
وبدمعي حاصرني
آهٍ يا حظي العثر
وش فيك ملازمني
يدك على عيوني
وبنظرة تؤمرني
* * *
كيف للأمر أنصاع
وعيوني مغمية
إن كان تبي تنطاع
ارحمني ..حس فيّ
ــ لا تختبر صبري ــ
صبري ما عاد ليّ
مني الصبر قِد مل
وتركني منسية
* * *
مثلك بعد يمه
مليتي أحلامي
وما عاد أشوف طيفك
ولا لحظة قدامي
يمه انكسر عودي
وعافتني أيامي
من لي بلمسة يدك
بلسم لآلامي ؟
كيبوردية ذات وجع