[رضا الهاشمي]

حتّى ولوْ كنّ الحـــــوايب قـــــوس

واللّحـــــــظ سهْم وجيتي تْصوبيني




بنـــــتٍ تدوّر منْ غـــــــلاي فْلوس

لو هـــــي قمــــر والله ما تــغريني




و إنتــــي أصـــيلة والوفـــا ناموس

ما حــــازه إلاّ ذو جــــمال و ديني




عنــــدك ثـــنايا لو نخرْها الســوس

ما لمــــتْ نحــــلٍ ذاب في نسريني




مدْري حوى ثغْر الجمال ضْــروس

ولاّ حـــواه الرّوز و اليـــــــسْميني




ياللي علــــى عدْن الفـــــؤاد يْدوس

بقطْــــف لك الزيتـــــون ولاّ التيني




شــــعّ الجــــبين و نوّر الفـــــانوس

يالــــين شعّــــت من سنـــاه سْنيني




ما شـــفت جسمٍ من ورا متْــــروس

ومقْســــوم من حدّ الخصِرْ نصفيني




أغْــدي تعيس و خافــقي منحـــوس

لو ما نظــــــــــرت عْيونك الثنتيني




فلّـــي شـــعَر كالحالــــــك المغلوس

ومثـــل الحديـــد بروعـــته فلّــــيني




يا واهــــــجٍ تمْـــشي وراه شْمــوس

ويا أبلــــج الوجْـــنات و الكفّـــــيني




ما دام حِــــسنك للضّـــيا قامـــــوس

ماظنّـــــي أنّـــك منخلق من طـــيني




انت فْ بســــــــاتين النّظر مغروس

لو ما بغــــيتك لازم أشلــــــع عيني