"
تفاصيل الألم ترسم حكاية هزها النسيان
وسم باقي على روح القصيد وبصمته فيها
رفعت الراس عن هم قضاه ب رفقة الأحزان
تطاول بالهموم وما انحى يحسم تماديها
وأنا والله من خوفي من الله خالق الأكوان
رميت الحب وأعلاقه,على الأحباب مابيها
تمادت لحظة الذكرى على قصة لها عنوان
أقلب صفحةٍ باتت تعاني من معانيها
كتبت من الفرح كلمة ظماها هزه الحرمان
عساها تعترف لك بالظروف اللي تعانيها
توارت قصتي مابين روح في خيال إنسان
وبين جروح من عمري عجزت إني أداويها
ترى أقصد..أبي أرتاح وأترك للدموع عنان
تبدد نار في قلبي عجزت إني أطفيها
"