[الموج]

أنا أحبك
بس بسأل ، أحد قبلي نسى هالناس
وصاح فكل صباحاته انا احبك ؟؟

انا اشتاقك
بس بسأل ، احد قبلي من هالناس
حرقها الشوق لعيونك ؟؟

انا والله مب قصدي ازاحم فيك احبابك
انا كل قصدي بس اغفى على صدرك
وباحساسي انا احبك

ابد لا يطري فبالك تخليني
ترا بنهار ، وبغرق حييييل بدموعي
وابد لا يطري فبالك تحب غيري
ترا والله ابهذل هالحياة كلها
واضمك لي

تشوف الورد
كل الورد في عيني ابد ما والله ما يزينك
لانك احلى من هالورد
اذا انت بس لمست صخور
يذوب الصخر من طيبك
عيل وش صار بقلبي لا منك نطقت اسمي ؟؟

تعال انت وشوف شلون بكتني كل اشيائي
وفغيابك ، بكتني كل اوراقي ، واغراضي ،
وشباكي
توله حييل ليدينك
و ورا حلمي طفل يبكي بعد ما هدته اشواقه
بكى لين المسا ضمّه
وتلحف بس حنينه لك

تجي ولا يجيه الموووت ؟؟
تجي ولا يجيييه الموت .. يلا اختار
ترا هالفرقا ما ترحم ، وما تفهم بأنه حب يجمعنا
ولو انك صدق ما ودك تجي وتلملم اشلائه
ترا هالحب في ذمة حياتك انت واحلامك !

تجي ولا يجيييه الموت !
يلا ررد قبل لا يسبقك موته
وتتشتت موازينك
يلا رد !!