الليل مشـوار العنـاء للمحانـي
ـــــ و الصبح شباك الأمل كل ما حل
و الليل هذا الليل ما مـن تهانـي
ـــــ سريت به والصبح ما شفته أقبـل
خايف أزل و يبتلينـي لسانـي ؟
ـــــ يا رب سترك يا عسى البوح يذبل
ما هي غريبه لو جنيـت المعانـي
ـــــ ما دام فكـري بالمشاعـر تبلـل
و اللي حدانـي للكتابـه رمانـي
ـــــ ب/أربع جهات الطيب فيها مكبل
واللي يقول الطيب غلطة زمانـي
ـــــ جاوبت في نفسي/ تمهـل تمهـل
جعل الصفات خفافها للسمانـي
ـــــ دام الردى في مجتمعنـا تمرجـل
حتى أعز النـاس صايـر أنانـي
ـــــ من عقب ما زانت ظروفه تبـدل
مثله مثل غيره ب/همـي نسانـي
ـــــ و أنا الغني بالله وب/ناسي أعـزل
صديت عنهم يوم عقلي دعانـي !
ـــــ قل .. للقطوع و ذكرياته توكـل
ما عاد بي شوق لفلان و فلانـي
ـــــ لان التولَه من صفـات المهبَـل !
حتى لو أن الطيب يسكن كيانـي
ـــــ مجبور أعيش وباب طيبي مقفـل
قلبي ماهو ناقص ينـوح و يعانـي
ـــــ مع السلامه و الندامـه مسلسـل
أن ما غزيت الضيق و الا غزانـي
ـــــ بالله يا صبري طلبتك ( . . تجمل
م / ش
Rose7747