[خميس الوشاحي]

وش يكون القصيد؟!!

مهدي النور ليل ايامنا سرمدي
لو نظرت لمواجعنا اعتراك اغتراب..

بين فوضى السكون وخيل قاف تعدي
شاعرا واقف يبحث لنفسه جواب..

وش يكون القصيد المنتهي المبتدي
غير شيء بلا قيمة يرد ويجاب..

شاعرا انت؟؟لا حاشاك عدل،اجودي
والقصايد واهلها شرع ذيب وغاب..

انت منهو تكون؟وعطر ذكرك ندي
كل ما مر عام دهن عود استطاب..

جيت والناس : يامظلوم،،يامعتدي
ورحت من خاوت القطعان شرس الذياب..

فيك كل الحكي يوقف وقوف الردي
ساعة ثارت العربان ضده وهاب..

(ياسمي المحامد) سقت شعري هدي
لجل بيت كتبته فيك علي اثاب..

من ثرى مرقد النملة لبعد الجدي
لاخر حدود هذا الكون بحر وهضاب..

انت نور الحياة،الامس يومي غدي
أمنيات الطفولة،عنفوان الشباب..

انت وبل بعثه الله الى جرهدي
وامتلى كل قاع وفاض عذب شراب..

يالبشير النذير النبض بك يقتدي
اشهد انك احب من الحياة والزهاب..

واشهد انا قصور وليلنا السرمدي
لو حفظنا تعاليمك تلاشى وغاب..

في مديحك عجز خيل سنين يعدي
فارسه ظل دربه قبل يلقى جواب..

خميس الوشاحي