.
" قَصّ نآي .. "
" في أحد فترات حز الرؤؤس ظهرت هذه القصيدة ، وعن السبب لا تسل .."
حنيت إلك بالحلم .. حنيت واريدك تحن
وتحسبها منّه على الجفن .. حنيت ياجفن
مرات ياخذني الهوى لايامك الراحن واجن
شفتك حلم كل العمر يلوالمتني من الزغر
شوگي الك ليل وسهر بيدر محنة يا صبر
حن .. يا صبر
عيونك مكاتيب واغاني بكل فرحها
بكل وداد ايام وسنين العمر
والروح غيمة وحدرت بر
ما نزل يمها الندى ولاجاسها مرة المطر
سالوني عنك وانت يمي تعيش
وتمنيت تنطيهم خبر
سالوني عنك وانت بين الروح
يلمرتاح يلحسنك بدر
شفتك حلم كل العمر.. يلوالمتني من الصغر
شوگي الك ليل وسهر.. بيدر محنة يا صبر
حن .. يا صبر
ضحكاتك تلاگي السوالف بالگلب
ما بين هالمر والصعب
والنظرة منك لهفة المشتاگ من بعيد
وظنون المحب
يوصلني منك كل عبير الفاح يا قداح
جايب لي خبر
ويغني عنك
ناي منك جاي لعيون المحب
ما عطله شطوط وبحر
شفتك حلم كل العمر يلوالمتني من الزغر
شوگي الك ليل وسهر بيدر محنة يا صبر
حن .. يا صبر
,